Лукша Міра. Гісторыі з белага свету

Беласток, 2008. — 148 с.Міра Лукша, аўтарка з другога пакалення беларускіх літаратараў у Польшчы, як і іншыя сябры БЛА "Белавежа", бесперарыўна дзейнічаючага ў Польшчы ад паўстагоддзя, кіруецца слядамі ўласнай тоеснасці. Аўтарка сямі літаратурных зборнікаў заглыбляецца і адкрывае душу чалавека пагранічча, прабуе апісаць месца і час, якія заўжды былі незвычайнымі і складанымі, а тым больш цяпер, калі на нашых вачах радыкальна мяняецца рэчаіснасць. Якраз спробам знайсці сябе ў гэтай новай рэальнасці, спробам захавання традыцыі бацькоў героямі, тыповымі ў сваёй разнароднасці, прысвечаны гэты зборнік. Ня ёсць гэта аднак іконы, напісаныя жыццём, хутчэй спроба эскізаў у руху, у зменлівасці. Героямі з'яўляюцца людзі маладыя ды стомленыя жыццём, гэтак званыя "простыя", а ўсё ж прабуючыя пазмагацца са светам, гэтым белым, значыць, па-беларуску — нашым, такім, у якім прыйшлося нам жыць прыгожа ці нягожа, змагаючыся не заўджы чыста і сумленна, каб апынуцца сярод тых, хто ў выйгрышы. Тутэйшы свет на павароце гісторыі прадстаўлены і з гумарам, але і не без чуласці ды рамантызму (Георгій Валкавыцкі).